Gure esperientzian bai eta munduko ikerketa-gune nagusietan buruturiko ikerketa programetan eta konklusioetan oinarriturik, Euskadiko Erretinisi Pigmentarioko Gaixoen Elkarteak ondoko gomendioak egiten ditu:

• Jatekoa zaindu, goian azaldu ditugun aholkuak aintzat hartuta.
• Ariketa aerobikoa egin, oxigeno ugariko tokian: ibilaldiak egin mendian edo ahalik eta aire garbieneko tokietan, eta aurkeztu dugun ariketa programa jarraitu.
• Argitik ondo babesten duten betaurrekoak erabili, ahal bada, bereziki helburu horretarako eginak. Egun eguzkitsuetan kapela edo bisera erabili, eta ez egon luzaro eguzkipean.
• Ez egon estresak jota denbora luzez. Ahal izanez gero, erlaxatzeko teknikak erabili.
• Kataratak kirurgiaz tratatu.
• RPak konplikazio ugari dakartza berekin, eta beraz gaixoek beharrezkoa dute zaintzea eta artatzea.
• DHA eta ANTIOXIPLUS FORTE dieta-osagarriak hartu. Gure adituek gomendatuko diote gaixo bakoitzari komeni zaion dosia, bere egoeraren arabera.

Gainerako patologia edo sindromeren bat dutenei banakako gomendio-sorta egokitua egingo diete gure adituek, diagnostikorako protokolo osoa aztertu ondoren.