Luzaro estres egoeran egoteak handitu egiten du gorputzean estres oxidatzailea eta indartu egiten du erradikal askeen ekoizpena.

Kafeina gehiegi hartzeak handitu egiten ditu estresa eta oxidazio mekanismoak, batez ere gai horrekiko sentikor diren pertsonengan.

Hormona arloko aldaketa sendoek, hala nola haurdunaldiak, menopausiak edo kantzer ginekologikoen tratamenduak eragindakoek, eragina dute faktore neurotrofikoak eta estres oxidatzailea erregulatzen duten eta ondorioz RPan eragina izan dezaketen hainbat mekanismotan.

Tabakoa erretzeak eta alkohola sarri edateak areagotu egiten dituzte konplikazio baskularrak erretinan. Alkohola sarri edateak bereziki, DHAren metabolismo lipidikoa kaltetzen du, estres oxidatzailea handitzen du, eta erretinako basoetan eragindako kalteez gain, neurotoxinak ugaritzen ditu (glutamatoa adibidez) eta haiekiko sensibilitatea handitzen du.

Alkoholak eta tabakoak makula-endekapena jasateko arriskua handitu dezakete RPrik ez duten pertsonengan, hau da, RPan bezalako endekapen-asaldurik ez dutenengan.

Eta RPko endekapen mekanismoek sentikortasun handiagoa izan lezakete substantzia hauek erretinan duten ondorio neurotoxiko eta baskularren eraginpean.

Zentzu onez jokatzea litzateke, beraz, tabakoa eta alkohola ahal den neurrian baztertzea, beroriek RPan zehazki duten eragina oraindik ikertu ez bada ere.