Bilakaera

RPa oso prebalentzia baxuko gaixotasuna da, eta gaixo batetik bestera alde ugari dituena, bai familia bereko gaixoen artean ere.

RParen datu artxibatuak, iragan mendetik hona, eta batez ere, orain 20 urtetik hona dauzkagu.

Gaitz honen ikerkuntzako aurrerakuntzak, gaur egun, tratamendu aringarrien arlokoak direnez gero, ondo etorriko zaigu RParen bilakaera klinikoaren berri izatea.

Oinarrizko ezagutza baterako, zenbait maila edo urratsetan bana daiteke gaitz honen bilakaera.



RParen eboluzioaren eredu teorikoa

  • 0 urratsa: Asaldura eskotoskopikoa ERGan. Ez da ageri ikusmen arloko asaldurarik.
  • I urratsa: Asaldura bastoien funtzioan (gau-itsutasunaren hasiera), ikusmen eremuko aldaketarik gabe.
  • II urratsa: Bastoien endekapenaren hasiera (ikus-eremuaren murrizketa hasten da). Gaixo gehienen diagnostikoa urrats honetan egiten da. Ikusmen zorroztasuna, ona.
  • III urratsa: Konoen endekapenaren hasiera (makularen atrofia hasten da). Ikus-zorroztasuna gutxituz doa gutxinaka: Adin kritikoa.

Baliteke 0 eta I urratsen iraupenak garrantzia izatea gaitzaren portaera klinikoan eta bilakaeran, baina ez da oraindik ikertu ezaugarri hori. Bestalde, gaixoen arteko ezberdintasun fenotipikoen ondorioz erberdina izan liteke urrats bion iraupena kasu bakoitzean. II urratsaren iraupena, bestalde, nahiko antzekoa izaten da beti, aztertu diren fenotipoetan gaitzak duen iraupenarekin alderatuta. III urratsaren iraupena, azkenik, gaitza hasten den adinaren araberakoa dela dirudi. Dena den, gaixo bakan batzuek ez dute makulan kalterik ez ikus-zorroztasuneko galerarik erakusten, gaitzarekin hainbat urte eman arren.


 

© 2004 EPEGE - eskubide guztiak erreserbatuta